Howard Warrender (ed.), The Clarendon Edition of the Works of Thomas Hobbes, Vol. 2: De Cive: The Latin Version

Contents
Find Location in text

Main Text

pg 85 Per-erudito ac per-amico ViroSAMVELI SORBERIO,Petrvs Gassendvs S. 1

QVod epistolium ad me Caleto vela mox facturus, dedisti, accepi. Nihil opus fuit excusare, quòd vale coràm non dixeris; nam præclarus noster Martellus sat declaravit quàm improvisa discedendi occasio fuerit, & quàm requisieris me tamen, utcumque non adfuerim domi. Quod addis autem potuisse te ante discessum extorquere ab Eximio illo Hobbeo id exemplum libri de Cive, cui ipse manu propria marginaleis notas apposuit, ut cùm isthûc, ubi te voveo incolumem, perveneris, edi iteratò procures, id summopere delectavit. Videlicet tam pauca fuere excusa libri exemplaria, ut illa sui sitim potius fecerint, quàm expleverint; siquidem innumeros video, qui librum ardenter, sed frustra requirant. Et liber certè est non vulgaris, dignusque, qui omnium, qui altiora sapiunt, manibus teratur; neque (si illa seposuero, quæ Religionum,2 in quâ sumus ἑτερόδοξοι‎, adtinent) scriptorem agnosco, qui argumentum scrute-tur, quàm ille, profundiùs. Vtinam verò cætera etiam, quæ ille versavit, perinde extorsisses? Quippe & ex ipsis in lucem prolatis summè beasses nationem totam philosophantium solidè; cùm ego quidem neminem norim, qui sit inter philosophandum magis à præjudiciis liber, quique penitius quicquid rerum edisseruerit, introspiciat. Enimvero tu virum satis nosti; frustraque foret, si quid præterea in commendationem ejus àdderetur. Vale, & amicos optimos saluta, imprimisque Curcellium, Heereboordium, Bornium, & alios. Parisiis iv. Kalend. Maj. cIↃ Ic3 cxlvi.

Notes Settings

Notes

Critical Apparatus
1 [The letters from Gassendi and Mersenne are absent MS, L1, L2, L2a. The copy-text for these items is L3. For an English translation and notes, see Appendix A, below. See also Editor's Introduction pp. 10–13, 45. These letters are reproduced in many later editions of De Cive; also translated and with some differences, in Sorbière's French version, 1649 etc.]
Critical Apparatus
2 Manuscript sources read Religionem [pref.; for references see Appendix A].
Critical Apparatus
3 [IↃ pref.]
logo-footer Copyright © 2018. All rights reserved.
Access is brought to you by Log out